Ghazal - Chahat Bhari kitaab Say Agay Nikal gaya
May 18, 2007 on 11:27 pm | In Gulab Khushbo Bana Gaya |چاہت بھری کتاب سے آگے نکل گیا
وہ شخص اِنتساب سے آگے نکل گیا
اُڑتے ہوئے بگولوں سے اُس کا پتہ نہ پوچھ
لگتا ہے وہ سراب سے آگے نکل گیا
سب واپسی کے راستے مسدود ہوگئے
وہ آج اِس حساب سے آگے نکل گیا
اِتنا سکوت‘ دھڑکنیں تھم تو نہیں گئیں؟
دل آج اِضطراب سے آگے نکل گیا
آنکھیں کھلیں تو سامنے تعبیر تھی کھڑی
وہ آج اپنے خواب سے آگے نکل گیا
آگے نئے عذاب کے آثار مل گئے
جب عشق ‘ اِک عذاب سے آگے نکل گیا
گُم وَصل کی کتاب میں ایسا ہوا بتول
وہ فُرقتوں کے باب سے آگے نکل گیا
No Comments yet »
RSS feed for comments on this post. TrackBack URI
Leave a comment
Presentation of Urdu Poetry Forum - Get RSS Feed:
Entries and comments feeds.
^Top^