Fakhra Batool

Nazam - Nahi Hoon Radha Magar

نہیں ہوں رادھا مگر……

مَیں ایک خواب کا منظر ہوں خواب تم جاناں!

ہوں ایک پھول کی پتی گلاب تم جاناں!

کہا ہے تم نے کہ تم ’’مَیں‘‘ہو اور مَیں ’’تم‘‘ہون

اگر مَیں تم ہوں

توتم سے جُدا ہوئی کیسے؟

اگر مَیں تم نہیں ‘ دھڑکن مجھے ملی کیسے؟

تمہاری ذات میں کھوئی تو آملی خود سے

جوکائنات میں کھوئی تو آملی خود سے

تمہارے نام سے کرتی ہوں اِبتداء دن کی

تمہارے نام سے دن کوتمام کرتی ہوں

ہے عشق بھید بہت خاص‘

عام کرتی ہوں

میں بند ہونٹوں سے اکثر کلام کرتی ہوں

نہیں ہوں رادھا

مگر شام‘شام کرتی ہوں