Fakhra Batool

سکھی اک خواب دیکھا ہے

دعا مانگو کہ تعبیر بن جائے

دعا مانگو ہتھیلی پر حنا مہکے

کوئی گجرا کلائی کو ،اگر تھامے تو زنجیر بن جائے

یہ چنری سر سے کھسکے پیر کو چھولے ، تو اک تصویر بن جائے

 میں یتیم کی بنوں اور وہ مری جاگیر بن جائے

مری تقدیر بن جائے

اگر منڈیر پر کاگا بولے

میں چونک اٹھوں،میری نظریں ہوں چوکھٹ پر

میں جب آئینہ دیکھوں تو خود سے لاج سی آئے

دعا مانگو بجیں شہنائیاں ہر سو

مری سکھیاں مجھے چھیریں

مری دھڑکن کی لے پر گنگنائیں چارسو نغمے

یہ دل قابوسے باہر ہو

مرے ماتھے پہ یہ بندیا کی چمک چندھیا دے سورج کو

مرا آنچل بنے گھوگھٹ

سکھی اک خواب دیکھا ہے

دعا مانگو کہ تعبیر بن جائے