Fakhra Batool

Nazam - Ziddi

ضدّی

مَیں کیوں دل کی کہانی عام کرنے کا کبھی سوچوں

اَنا نیلام کرنے کا کبھی سوچوں

مجھے تم سے محبت ہے مگر مَیں کیوں کہوں تم سے ؟

مَیں تم سے کیوں کہوں جاناں!

مِری تم دھڑکنوں کی لَے میں شامل ہو

مرے جیون کا حاصل ہو

اگر پلکوں کی جھالر کو اُٹھاؤں تو تمہی تم ہو

جُھکاؤں تو تمہی تم ہو

میں جاگوں تو مجھے تم پیار سے آکر سُلاتے ہو

مَیں سوجاؤں تو تم سرگوشیاں کرکے جگاتے ہو

محبت کا کنول جس میں کھلا وہ جھیل ہوجاناں!

اماوس کی طرح ہوں مَیں توتم قندیل ہوجاناں!

تمہیں مَیں نے خُدا مانا‘تمہی کو ناخُدامانا

مگر مَیں کیوں کہوں تم سے‘

مگر مَیں کیوں کہوں تم سے؟